პეტრიწონის მონასტრი მდებარეობს ახლანდელი ბულგარეთის ტერიტორიაზე და ეხლა ჰქვია ბაჩკოვოს მონასტერი. სოფელ ბაჩკოვოსთან, 30 კილომეტრში ქ. პლოვდივიდან, გარშემორტყმულია როდოპის მთებით. მონასტერი დააარსა გრიგოლ და აბას ბაკურიანებმა 1083 წელს. მათივე შედგენილი წესდებით მონასტერი განცხადებული იყო როგორც ქართული და ბერები უცილობლად უნდა ყოფილიყვნენ ქართველები და ფლობდნენ ქართულ წერა – კითხვას. ტიპიკონში გაწერილი იყო მონასტრის წესდება რომელიც დაამტკიცა იერუსალიმის პატრიარქმა ეფიმმა. 1086 წელს გრიგოლ ბაკურიანი გარდაიცვალა ბრძოლაში მიღებული ჭრილობიდან. დი მის საპატივცემლოდ ბიზანტიის იმპერატორმა ააგო მიქელ–გაბრიელის ეკლესია მონასტერში. შემორჩენილია იმდროინდელი საძვალე მონასტრიდან 300 მეტრში რომელიც დამშვენებულია ფრესკებით და წარწერებით. მონასტერი იმყოფებოდა ბულგარეთის მეფეთა მფარველობის ქვეშ.პეტრიწონის მონასტერში მოღვაწეობდა გამოჩენილი მოღვაწე იოანე პეტრიწი , რომელმაც შემდგომ გააგრძელა მოღვაწეობა გელათის მონასტერში.
ვრცელი ინფორმაცია პეტრიწონის მონასტრის შესახებ იხილეთ ვებგვერდზე.