23 აპრილს საქართველოში სტუმრად მყოფი გერმანელი მართლმადიდებელი ბერების დელეგაცია არქიმანდრიტ იონას ხელმძღვანელობით ქუთაის გაენათის ეპარქიას ეწვია, სადაც მათ ქუთათელ გაენათელი მიტროპოლიტი მეუფე კალისტრატე და ადგილობრივი სამღვდელოება მასპინძლობდა.
არქიმანდრიტმა იონამ აღნიშნა რომ ის ძალიან დაინტერესებულია ქართული გალობით და საეკლესიო ხუროთმოძღვრებით და სწორედ ეს არის მიზეზი მათი საქართველოში ჩამოსვლისა. მან აღნიშნა რომ ის აღფრთოვანებულია ქართული გალობით და საუკლესიო არქიტექტურით. ბერებმა თვითონაც იგალობეს სააღდგომო საგალობლები გერმანულ ენაზე. არქიმანდრიტი იონას აზრით ქართველი ერი გამორჩეულია მდიდარი ისტორიით, ტრადიციებით და განსაკუთრებული სტუმართმოყვარეობით. მან მადლობა გადაუხადა მაუფე კალისტრატეს გულითადი მასპინძლობისათვის და საჩუქრად გადასცა წიგნი სადაც აღწერილია მათი მონასტრის ცხოვრება. იოანე ღვთისმეტყველის სიტყვებით ღმერთი სიყვარულია და სწორედ ეს სიყვარული და ჭეშმარიტი სარწმუნოება აერთიანებს ყველა ქვეყნისა და ერის მართლმადიდებლებს
„მე გავეცანი ფოტომასალას დო ძალიან მიხარია , რომ გერმანიაში არსებობს მართლმადიდებელი მონასტერი, მით უმეტეს რომ მას ასეთი ღირსეული წინამძღვარი ყავს . გიყურებთ თქვენ და მიმაჩნია, რომ მართლმადიდებლობას გერმანიაში დიდი მომავალი აქვს“ – ბრძანა მეუფემ, დალოცა სტუმრები და მათ სხვადასხვა საჩუქრები გადასცა.
ქუთაისიდან გერმანელი ბერები გელათის მონასტერში ავიდნენ, სადაც მეუფე კალისტრატეს ლოცვა–კურთხევით რამოდენიმე დღე დარჩებიან.